Xviça Kvaratsxeliyanın PSJ-yə keçidi rəsmiləşib.
İdman.biz xəbər verir ki, Paris klubu "Napoli" ilə transferin bütün detallarını razılaşdırıb.
Klub prezidentləri Aurelio de Laurentis və Nasse Al-Xelayfenin bütün tələb olunan sənədləri imzaladıqları bildirilib. Gürcüstan yığmasının hücumçusu PSJ ilə 5+1 illik müqavilə imzalayacaq. Xviça yeni komandasında illik 9 milyon avro maaş və 2 milyon avro bonus qazanacaq. Transfer 70 milyon avro yekunlaşıb.
Qeyd edək ki, Kvaratsxeliya bu mövsümdə İtaliya A Seriyasında 17 oyunda 5 qol vurub, 3 ötürmə ilə yadda qalıb.
İdman.biz
