20 il əvvəl bütün sənədlərini itirdiyini deyir...
Bakıdakı Keşlə qəsəbəsində yaşayan 72 yaşlı Nazilə Sultanova sənədlərini qaydasına sala bilmədiyi üçün uzun illərdir pensiya ala bilmədiyini deyir.
Həyat yoldaşını itirən, övladlarının isə onunla maraqlanmadığını deyən bu qadına qonşuları əl tutur. İndi o, doğum haqqında şəhadətnamə və nikah kağızını əldə etməlidir ki, şəxsiyyət vəsiqəsini əldə edə bilsin. Yalnız bundan sonra pensiya ala bilər.
Daxili İşlər Nazirliyindən bildirdilər ki, şəxsiyyət vəsiqəsinin alınması üçün müvafiq sənədlər toplanmalıdır.
Ədliyyə Nazirliyindən isə bildirdilər ki, şəxsin digər sənədlərini də bərpa etməsi yalnız məhkəmənin qərarı əsasında həyata keçirilə bilər.
Xezerxeber.az mövzu ilə bağlı daha ətraflı videomaterialı təqdim edir.
