Britaniya taxt-tacı varisinin həyat yoldaşı, Uels şahzadəsi Ketrin Middleton xərçənglə mübarizəsinin remissiyaya girdiyini açıqlayıb. AFN.az xarici mediaya istinadən xəbər verir ki, şahzadə bu barədə X hesabında yazıb."İndi remissiyada olmağım bir rahatlamadır. Mən hələ də bərpaya diqqət yetirirəm. Xərçəng diaqnozu qoyulmuş hər kəs bilir ki, yeni reallığa uyğunlaşmaq üçün vaxt lazımdır", - deyən Uels şahzadəsi onu məşğul bir il gözlədiyini bildirib. O, müalicəsini aparan həkimlərə və dəstək olan hər kəsə təşəkkür edib. Şahzadə 2024-cü ildə xərçəngdən müalicə aldığı London xəstəxanasına baş çəkdiyini qeyd edib.
