ABŞ federal hökumətinin büdcə kəsiri 2024-cü ilin dekabrında əvvəlki ilin eyni ayı ilə müqayisədə 33 faiz azalaraq 87 milyard dollar olub.ABŞ Maliyyə Nazirliyi 2024-cü ilin dekabr ayı üçün büdcə balansı hesabatını açıqlayıb.Hesabata görə, federal hökumətin büdcə kəsiri 1 oktyabr 2024-cü ildə başlayan və 30 sentyabr 2025-ci ildə başa çatan 2025-ci maliyyə ilinin üçüncü ayında 87 milyard dollar olaraq hesablanıb.Ötən ilin dekabrında federal hökumətin büdcə kəsiri 129 milyard dollar təşkil edib. Belə ki, büdcə kəsiri 2024-cü ilin dekabr ayında əvvəlki ilin eyni ayına nisbətən 33 faiz azalıb.Bu dövrdə büdcə balansı üçün bazar gözləntiləri 80 milyard dollar kəsir idi.Ötən ilin dekabrında dövlət gəlirləri 6 faiz artaraq 454 milyard dollara, xərclər isə 3 faiz azalaraq 541 milyard dollara çatıb.2025-ci maliyyə ilinin üçüncü ayı olan dekabr ayı etibarilə ölkənin ümumi büdcə kəsiri əvvəlki ilin eyni dövrünə görə yüzdə 39 artaraq 711 milyard dollara çatıb.Söz mövzusu kəsir ötən ilin eyni dövründə 510 milyard dollar idi.Maliyyə ilinin ilk üç ayında xərclər bir ilin eyni dövrü ilə müqayisədə 11 faiz artaraq 1,8 trilyon dollara, gəlirlər isə təxminən 2 faiz azalaraq 1,1 trilyon dollara çatıb.ABŞ-ın büdcə kəsiri 2024-cü maliyyə ilində əvvəlki ilə nisbətən 8% artaraq 1,8 trilyon dollara yüksəlib. Federal hökumətin 2024-cü maliyyə ilində büdcə kəsiri ölkə tarixində üçüncü ən böyük büdcə kəsiri idi.
