Türkiyənin İstanbul şəhərində saxta spirtli içkidən kütləvi zəhərlənmə baş verib.
Sfera.az xəbər verir ki, bu barədə “Anadolu” agentliyi məlumat yayıb.
Məlumata görə, bir gündə 11 nəfər saxta spirtli içkinin qurbanı olub.
Bildirilib ki, 26-sı xarici ölkə vətəndaşı olmaqla ümumilikdə 38 nəfər saxta spirtli içki qəbul etdikdən sonra şəhərin müxtəlif xəstəxanalarına şikayətlə müraciət edib.
Belə ki, 24 saat ərzində xəstəxanaya yerləşdirilən 38 nəfərdən 11-i dünyasını dəyişib.
Özbəkistanın İstanbuldakı Baş Konsulluğundan verilən məlumata görə, respublikanın 5 vətəndaşı spirtli içkidən dünyasını dəyişib.
