İngiltərənin “Liverpul” klubunun sabiq baş məşqçisi Yurgen Klopp karyerasını başa vurmadığını təsdiqləyib.
Msport.az xəbər verir ki, jurnalist Florian Plettenberg təcrübəli mütəxəssisin fikirlərini yazıb.
“Red Bull”da məşqçi olmayacağam. Amma həyatımda yenidən məşqçi kimi çalışmayacağımı deyə bilmərəm”
57 yaşlı mütəxəssis “Red Bull” şirkətində futbol bölməsinin rəhbəridir.
Y.Klopp “Leyptsiq”, “Zaltsburq”, “Nyu-York Red Bulls” klublarının, həmçinin Braziliya və Yaponiyadakı iki komandanın inkişaf strategiyasına cavabdehdir.
Qeyd edək ki, 2015-ci ildən “Liverpul” komandasına rəhbərlik edən Y.Klopp ötən mövsümün sonunda postundan ayrılıb.
