İndi futbolla maraqlananlar Juninyonu “Flamenqo”ya satan “Qarabağ”ın növbəti addımının nədən ibarət olacağını düşünür. Axı braziliyalı hücumçu “köhlən atlar”ın əsas “qol silahı” idi, onun yerini doldurmaq asan olmayacaq. O başqa məsələ ki, ağdamlılar bu kimi məsələlərdə daim cəld davranmağı bacarıb və lazımi transferləri gecikdirməməyə çalışıb.
Deyəsən, ölkə çempionu bu dəfə də ənənəsinə sadiq qalacaq. “Football-plus.az”ın əldə etdiyi məlumata görə, klub artıq yeni hücumçuları “hədəf alıb” və onların heyətə cəlb edilməsi üçün müəyyən addımlar atılır. Söhbət Rumıniya “Hermanştadt”ının şərəfini qoruyan Yanis Stoyka ilə Polşa “Motor”unda çıxış edən Samuel Mrazdan gedir.
“Köhlən atlar”ın hücumçu mövqeyi üçün əsas namizədi Stoykadı. Mraz isə “B variantı” kimi dəyərləndirilir. Tezliklə mövzu haqda daha ətraflı məlumatları diqqətinizə çatdıracağıq.
KƏNAN BAHADIR
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
