"Liverpul"un hücumçusu Dioqo Jota əvəzedici heyətə daxil olduqdan dərhal sonra qol vurub.
90deqiqe.Az "Squawka"ya istinadən xəbər verir ki, 28 yaşlı forvard bu cür statistikalar tərtib olunmağa başlayandan (2006/07 mövsümündən bəri) əvəzedici kimi meydana çıxdıqdan sonra "Liverpul"un ən sürətli Premyer Liqa qolunu vurub.
Portuqaliyalı “Nottingem Forest”lə oyunun (1:1) 66-cı dəqiqəsində meydana çıxıb və cəmi 22 saniyə sonra “Meşəçilər”ə qol vuraraq komandasına heç-heçə gətirib.
Arne Slotun komandası İngiltərə çempionatının cədvəlində birinci yeri qoruyub. “Qırmızı-qaralar” 20 oyundan sonra 47 xalı, ikinci pillədə qərarlaşan “Nottingem Forest” isə 21 oyundan sonra 41 xala malikdir.
