Bakı, 15 yanvar, AZƏRTAC
FIBA Çempionlar Liqasında Türkiyənin "Aliağa Petkim Spor" və İsrailin "Hapoel Holon" komandaları arasında pley-in seriyasının üçüncü oyunu Bakıda keçiriləcək.
Azərbaycan Basketbol Federasiyasından AZƏRTAC-a verilən məlumata görə, həlledici matça Bakı İdman Sarayı ev sahibliyi edəcək. Görüş yanvarın 22-də təşkil olunacaq. Komandalar arasında cütün ilk görüşü də paytaxtımızda reallaşmışdı.
Qeyd edək ki, daha əvvəlki oyunlarda kollektivlər hərəyə bir qələbə qazanıblar.
