Beləliklə, sənəd imzalanıb. İmzalayanların bizə dedikləri əsas sahələr:
- ABŞ demokratikləşmə islahatlarını dəstəkləməlidir,
- Birləşmiş Ştatlar iqtisadiyyatın inkişafına kömək etməyə sadiqdir,
- Birləşmiş Ştatlar inklüzivliyin inkişafına kömək etməlidir (bu, Tramp dövründə unudula bilər),
- Birləşmiş Ştatlar təhlükəsizlik sahəsində yardım etməyə sadiqdir (geniş konsepsiya: bura Müdafiə Nazirliyi, Kəşfiyyat, Texnologiya və Daxili İşlər Nazirliyi daxildir),
- Birləşmiş Ştatlar nüvə enerjisinin transformasiyasına kömək etmək öhdəliyi götürür (Rosatom-a salamlar),
- ABŞ sərhəd təhlükəsizliyini təmin etməyə kömək edəcək (yəni Ermənistan sərhəd xidmətini yaradacaq),
- Ermənistan Yaxın Şərqdə İŞİD terrorçularına qarşı mübarizə koalisiyasına üzv olub.
Beləliklə, gördüyümüz kimi, bu, ABŞ-ın Ermənistana birtərəfli dəstəyidir: siyasi, iqtisadi, hərbi, texnoloji.
Prinsipcə, vəzifədən gedən ABŞ administrasiyası son bir neçə ildə gördüyü hər şeyi ayrıca sənəd şəklində rəsmiləşdirdi.
Azərbaycan mətbuatının ABŞ-ın Ermənistana silah ötürməsi ilə bağlı məlumatı ABŞ-ın birgə təlimlər planlaşdırması və Ermənistan sərhəd xidmətinə dəstək verməsi xəbəri də təsdiqləyib. ABŞ-ın Azərbaycandakı səfirliyi, ən azı, yalançı şərhlərinə görə utanmalıdır... əşi nə qoyub, nə axtarıram?!
Maraqlıdır: Ermənistan sərhədi ABŞ-ın nəzarətinə keçir. Salam, Rusiya və İran...
"Göy muncuq" rolunu Rusiya, İran və Suriyadakı Bəşər Əsəd rejiminin koalisiyasının üzvü olan Ermənistanın 180 dərəcə dombalaq aşaraq, ABŞ-ın himayəsi altında İŞİD-ə qarşı koalisiyanın üzvünə çevrilməsi oynadı... Bu o qədər valehedicidir ki, Ermənistan silahlı qüvvələrinin Rusiya kontingentinin tərkibində Suriyada peyda olması Paşinyanın Putinlə ilk görüşündən sonra baş nazir olduğu dövrdə baş verib və Ermənistan tərəfindən Rusiyaya qarşı “görünməmiş addım” kimi təqdim edilib. Burada Türkiyəyə salamlar çatdırılır, çünki ABŞ İŞİD-lə mübarizə adı altında Suriyadakı mövcudluğunu və ən əsası PKK/YPG terrorçularına hərbi və maliyyə dəstəyini rəsmiləşdirir. Yəni Ermənistan kürd terror təşkilatlarını dəstəkləyən koalisiyaya üzv olur!
Ermənistanın xarici işlər naziri Mirzoyan sanksiyaya məruz qalan malların Rusiyaya təkrar ixracı və sanksiyaya məruz qalan Rusiya mallarının dünya bazarına çıxarılması nəticəsində baş vermiş Ermənistanın iqtisadi inkişafına görə məmnun Blinkenə təşəkkür edəndə dodağım qaçdı...
Müsbət tərəfi... Blinken özünəməxsus “səmimiyyət” üslubunda qaşlarını çataraq onun sərhədləri daxilində sırf Ermənistanı dəstəkləməkdən danışdı, Azərbaycan və Qarabağın adını çəkmədi... Mirzoyan isə Azərbaycanı xatırlamadan, bölgədə sülhdən danışdı...
Nə isə... ABŞ-ın Ermənistan qarşısında birtərəfli öhdəlikləri açıqlandı... daha çox xeyriyyəçilik kimi olan bu öhdəliklərə Tramp administrasiyasının münasibətinin necə olacağını görmək qalır.
