Kaliforniya ştatının cənubunda meşə yanğınlarının iki yeni ocağı meydana gəlib.
“Report” TASS-a istinadən xəbər verir ki, bu barədə “Axios” portalı məlumat yayıb.
Yanğın ocaqları regionda yanğın təhlükəli havanın davam etməsi fonunda yaranıb və yeni təxliyə dalğasına səbəb olub.
"Kaliforniyanın cənubunda yanğın təhlükəsi amilləri qalmaqdadır: saatda 45-70 mil (20-31 m/s) sürətində güclü külək və 8-15 % nisbi rütubət", - Milli Meteorologiya Xidmətinin proqnozunda qeyd olunur.
Nəşr dəqiqləşdirir ki, “Skaut” və “Stoun” adlanan ocaqlar Riversayd dairəsində meydana gəlib. Ötən gün güclü küləyin müşahidə olunduğu San-Dieqo dairəsində də yanğın riski yüksək olaraq qalır.
Meteoroloqlar gələn həftə hava şəraitinin pisləşəcəyini və bunun nəticəsində yeni yanğın ocaqlarının yarana biləcəyini proqnozlaşdırırlar.
Qeyd edək ki, Kaliforniyada tüğyan edən yanğınlar nəticəsində dəyən zərər 250-275 milyard dollara çatıb.
