Fransa Liqa 1 komandası PSJ hücumçusu ilə yollarını ayırmağa yaxındır.
Fransız hücumçu Randal Kolo Muaninin Fransa çempionu PSJ-dən Turinin “Yuventus” klubuna keçir.
"Operativ Media" bu haqda insayder Fabrizio Romanoya istinadən xəbər verir.
Tərəflər yarım il müddətinə icarə müqaviləsi imzalayıblar. Kolo Muani bu həftə Turinə gedəcək və tibbi müayinədən keçəcək.
Cari mövsümdə 26 yaşlı futbolçu 14 oyunda iştirak edib, 2 qol vurub və 1 məhsuldar ötürmə edib. Onun PSJ ilə müqaviləsi 2028-ci ilin iyununa qədər nəzərdə tutulub.
"Transfermarkt" Kolo Muaninin transfer dəyərini 30 milyon avro olaraq qiymətləndirir.
2023-cü ilin yayında PSJ Kolo Muaninin transferi üçün Frankfurtun “Ayntraxt” klubuna 95 milyon avro ödəmişdi.
Əziz Əsgəroğlu
