"Qarabağ"ın sabiq qolkiperi, hazırda “Dinamo”(Moskva) klubunun qapıçısı Andrey Lunyov Rusiya mətbuatına danışıb.
Sportal.az xəbər verir ki, “TASS” agentliyinə danışan təcrübəli qolkiper 2024-cü ildə ən yaddaqalan hadisəni xatırlayıb:
"Ötən il kifayət qədər məhsuldar, normal keçdi. 2024-cü ildə ən yaddaqalan hadisələr yəqin ki, Avropa Liqasındakı oyunlar oldu. Konkret desək, təbii ki, "Bayer"lə matçları nəzərdə tuturam".
Qeyd edək ki, “Qarabağ” Avropa Liqasının 1/8 finalında “Bayer”ə iki oyunun cəminə (2:2, 2:3) görə uduzmuşdu. 2024-cü ilin iyulunda Lunyov “Qarabağ”dan ayrılaraq “Dinamo”ya keçmişdi.
saytlarin hazirlanmasi
