Hər il növbəlilik və prioritetlik prinsipi əsasında təhsil müəssisələrinin təmiri və tikintisi həyata keçirilir. 2018-2024-cü illər ərzində ölkə üzrə 104 təhsil müəssisəsi tikilərək istifadəyə verilib.
61 təhsil müəssisəsində əsaslı təmir, 4000-dən artıq təhsil müəssisəsində cari təmir işləri həyata keçirilib.
Bundan başqa, 2017-2022-ci illər ərzində 414 modul tipli məktəb quraşdırılaraq təhvil verilib.
TƏHSİL.BİZ məktəb infrastrukturunun təkmilləşdirilməsi istiqamətində aparılan işlərlə bağlı ictimaiyyəti məlumatlandırmaq üçün "Yenilənən məktəblər" adlı yeni rubrikaya start verir.
Rubrika çərçivəsində ilk olaraq Xaçmaz rayon Palçıqoba kənd tam orta məktəbi haqqında məlumatı təqdim edirik:
Məktəbin inşasına 2021-ci ildə start verilib və 2024-cü ildə açılışı olub.
İkimərtəbəli məktəb binası 360 şagird yerlikdir.
Burada 7 ibtidai sinif, 1 məktəbəhazırlıq, 8 digər sinif otağı, fizika, kimya, biologiya laboratoriyaları, kitabxana, informatika otağı, hərbi hazırlıq otağı, 2 texnologiya otağı, rəsm otağı, müəllimlər otağı, 184 yerlik akt zalı, idman zalı, yeməkxana, direktor otağı, tibb otağı və 3 direktor müavin otağı mövcuddur.
Məktəbin ümumi sahəsi təxminən 22 min kv. metrdir.
