CİES “Böyük beşlik” liqalarında oynamayan, lakin karyeralarında növbəti böyük addım atmağa hazır olan gənc futbolçuların siyahısını açıqlayıb.
İdman.biz xəbər verir ki, cədvəldə 23 yaşadək olan oyunçular yer alıblar.
Azərbaycan futbolçuları və çempionatımızda oynayan legionerlər “Top-100”dən kənar qalıblar. Premyer Liqanın ən yaxşısı Nəriman Axundzadənin CİES-dən aldığı əmsal 76,6-ya bərabər olub. O, 100-cü yerdən 3,0 xal geri qalıb.
Premyer Liqanın ikincisi Salifu Suma, üçüncüsü Eldar Quliyevdir. Bu iki futbolçunun forma geyindiyi “Zirə” kimi “Qarabağ”, “Neftçi” və “Turan Tovuz”un da hərəsindən iki oyunçu çempionatın “Top-10”dadır.
1. Nəriman Axundzadə (“Qarabağ”) – 76,6
2. Salifu Suma (“Zirə”) – 73,7
3. Eldar Quliyev (“Zirə”) – 71,9
4. Emil Səfərov (“Neftçi”) – 69,7
5. Rza Cəfərov (“Neftçi”) – 67,2
6. Musa Qurbanlı (“Qarabağ”) – 66,5
7. Yusif İmanov (“Sabah”) – 65,8
8. Fərid Yusifli (“Turan Tovuz”) – 64,8
9. Veysəl Rzayev (“Turan Tovuz”) – 64,6
10. Süleyman Aliuş (“Səbail”) – 64,0
İdman.biz
