Ümumdünya Səhiyyə Təşkilatı (ÜST) Tanzaniyada Marburq virusundan 8 nəfərin öldüyünü açıqlayıb.
Söz.az xarici KİV-ə istinadən xəbər verir ki, epidemiyanın ölkə və regionda daha da yayıla biləcəyi ilə bağlı xəbərdarlıq edilib.
Açıqlamada təşkilata üzv ölkələrin Marburq virusunun yayılması ilə bağlı məlumatlandırıldığı bildirilib.
ÜST-nın baş direktoru Tedros Adhanom Qebreyesus sosial media hesabındakı paylaşımında yaxın günlərdə yoluxmaların arta biləcəyi barədə xəbərdarlıq edib.
O, "Xəstəliklərə nəzarət artdıqca, yaxın günlərdə daha çox yoluxma gözləyirik" deyib.
ÜST Tanzaniya hökumətinə və zərər çəkmiş icmalara tam köməklik təklif edib.
