ABŞ-nin Los-Anceles və ətraflarında günlərdir davam edən yanğınlarda həyatını itirənlərin sayının 25-ə yüksəldiyi, bölgədəki hava şəraitinin yanğın tornadolarına səbəb ola biləcəyi açıqlanıb.
"Cebheinfo.az" xəbər verir ki, Los-Anceles hakimiyyəti şəhərdə 9 gündür davam edən meşə yanğınları ilə bağlı yenilənmiş təfərrüatları paylaşıb.
Səlahiyyətlilər yanğınlarda həyatını itirənlərin sayının 25-ə yüksəldiyini, 12 mindən çox tikilinin dağıldığını açıqlayıb.
Səlahiyyətlilər Palisades və Eaton bölgələrində günlərdir davam edən yanğının böyük ölçüdə nəzarət altına alındığını deyir.
Milli Meteoroloji Xidmət güclü külək və quru hava şəraiti səbəbindən yeni yanğınların başlaya biləcəyi barədə xəbərdarlıq edib.
Küləyin intensivliyi təhlükəli həddə çatdıqdan sonra xidmət bölgədə yanğın xəbərdarlığını uzadıb.
Yanğının yayılmasının qarşısını almaq üçün səlahiyyətlilər bölgədəki 77 mindən çox evin elektrik enerjisini kəsib.
