TikTok videohostinq xidmətinin yaradıcıları yanvarın 19-da baş tutacağı gözlənilən xidmətin ABŞ-da bloklanmasına hazırlaşır. “The Information” xəbər verir ki, populyar tətbiqin tərtibatçıları ölkənin bütün sakinləri üçün kontentə girişi bağlayacaq və proqramı “App Store” və “Google Play” mağazalarından siləcəklər.
Üstəlik, TikTok artıq Amerika cihazına quraşdırılıbsa belə, ölkədə xidmətə giriş də məhdudlaşdırılacaq. Proqram işə salındıqda xidmət yerli istifadəçilərə bloklanmanın səbəbini - ABŞ hakimiyyətinin qərarını ətraflı izah edəcək.
“Çin rəhbərliyi istifadəçi məlumatlarından Amerika xalqına qarşı siyasi məqsədlər üçün istifadə edə bilər” deyə ABŞ hökuməti TikTok-u ölkədə qadağan etmək qərarına gəlib. Proqramın yaradıcıları dəfələrlə amerikalı istifadəçilərdən məlumat toplamadıqlarını bəyan ediblər, lakin bu, hakimiyyəti öz qərarından dönməyə inandırmayıb.
Bu arada, ABŞ-dakı bəzi istifadəçilər TikTok-un mümkün bağlanmasını gözləyərək, Çin tətbiqi “RedNote” kimi alternativ platformalara keçməyə başlayıblar.
Almaz Həsənli
