"Arsenal"ın yarımmüdafiəçisi Jorjinyo karyerasını Braziliyada davam etdirməyə yaxındır.
Sportal.az xəbər verir ki, "Flamenqo" 33 yaşlı futbolçunu heyətinə qatmaq istəyir. Bu barədə "Globoesporte" məlumat yayıb.
Braziliya klubu "Arsenal"la müqaviləsi mövsümün sonunda başa çatan Jorjinyonu bu ay transfer etməyə çalışır. "Flamenqo" təcrübəli orta xətt oyunçusuna 3 illik müqavilə təklif edib.
Braziliya əsilli italiyalı yarımmüdafiəçi özü də ölkəsinə qayıtmağa isti yanaşır. Danışıqlar uğurla nəticələnsə Jorjinyo yaxın günlərdə A Seriyası təmsilçisinə keçəcək.
"Arsenal" Jorjinyonu 2023-cü ilin yanvar ayında "Çelsi"dən transfer edib. İtaliya millisinin üzvü bu mövsüm London təmsilçisinin heyətində 18 rəsmi matçda meydana çıxıb.
Qeyd edək ki, "Qarabağ"ın hücumçusu Juninyo "Flamenqo" ilə müqavilə imzalmaq üçün Rio de Janeyroya yollanıb.
saytlarin hazirlanmasi
