Dünya ona Bred Pittin aşiq olduğunu zənn edən, lakin daha sonra aldadıldığını anlayan53 yaşlı fransız qadından danışır.
Söz.az xarici KİV-ə istinadən xəbər verir ki, Annanın kabuslu sevgi hekayəsi 2023-cü ilin sentyabrında başlayıb.
Qadının iddiasına görə, o, ilk olaraq Bred Pittin anası Ceyn Etta Pittin "İnstaqram" hesabından mesaj alıb. Mesajda “Oğlumun sənin kimi birinə ehtiyacı var” sözləri yazılıb.
Sonra o, Bred Pitt olduğunu iddia edən birindən mesajlar almağa başlayıb.
Əvvəlcə onu aldatdığını düşünsə də, Bred Pitt ona bir bir neçə foto və video göndərib. Bu isə qadının şübhələrini sıfıra endirib.
Daha sonra isə görüntülərin süni intellekt məhsulu olduğu ortaya çıxıb. Özünü məşhur aktyor kimi təqdim edən fırıldaqçı böyrək xərçəngi olduğunu iddia edib. O, Ancelina Coliyə görə bank hesablarına daxil ola bilmədiyini deyərək kömək istəyib. Etibarlılığı artırmaq üçün o, Brad Pittin xəstəxana çarpayısında olan şəklini göndərib.
Pittə eşq yaşadığını düşünən qadın fırıldaqçıya 830 min avro göndərib. Bu arada o, evlilik təklifi aldığı üçün həyat yoldaşından boşanıb.
Lakin həqiqi Bred Pittin yeni sevgilisi ilə görüntülərini gördükdən sonra aldandığını anlayıb.
Fransa polisinə şikayət edən Anna depressiyaya düşüb, və xəstəxanaya yerləşdirilib. bildirdi.
O, yaşadıqlarını fransız kanallarından birinə danışanda sosial şəbəkədə yenidən təhqir olunub.
