İran Trampa sui-qəsd hazırlaması ilə bağlı iddiaları rədd etdi
İran Prezidenti Məsud Pezeşkian ABŞ-nin yeni seçilmiş Prezidenti Donald Trampa sui-qəsd hazırlaması ilə bağlı iddiaları rədd edib. Manset.az xəbər verir ki, o, bu mövzu ilə bağlı NBC News-a müsahibəsində danışıb. Dövlət başçısı bildirib ki, Tehran heç vaxt Trampa sui-qəsd cəhdi etməyib. “İran heç vaxt kimisə öldürməyə cəhd etməyib və planlaşdırmayıb. Ən azından mənim bildiyim qədər”, - o, deyib. Pezeşkianın sözlərinə görə, bu cür iddialar İsrail və digər dövlətlərin İranofobiyanı təbliğ etmək üçün hazırladıqları sxemlərdən biridir.
