Gürcüstanın eks-prezidenti Salome Zurabişvili ABŞ və Ermənistan arasında imzalanmış strateji tərəfdaşlıq haqqında sənədi müsbət qiymələndirib.
Teleqraf.com xəbər verir ki, o, “X” paylaşımında tərəfdaşlığın qurulmasını irəliyə atılmış tarixi addım adlandırıb.
“Bu strateji tərəfdaşlıq həm bölgəmizə, həm də onun sabitliyinə və əmin-amanlığına fayda verəcək. Gürcüstan da yeni seçkilərin xalqın iradəsini əks etdirməsindən sonra ABŞ ilə strateji tərəfdaşlığını bərpa edəcək”, - S.Zurabişvili yazıb.
Xatırladaq ki, ABŞ Gürcüstanla strateji tərəfdaşlığı ötən ilin noyabrın 30-da dayandırıb.
Müəllif: Cəmilə Babayeva
