Los-Ancelesidəki yanğınlar 9-cu gündür ki, davam edir. Güclü külək səbəbiylə yayılan yanğınlarda ölənlərin sayı 25-ə yüksəlib.
News24.az xəbər verir ki, ABŞ-ın Milli Hava Xidməti (NWS) Los-Ancelesin bəzi yerlərində güclü külək gözlənildiyi üçün "təhlükəli hava" xəbərdarlığını bərpa edib.
Bu gün hiss edilən küləklərin keçən həftə yanğınlara səbəb olan küləklər qədər güclü olacağı gözlənilməsə də, yüksəkliklərdə küləyin sürəti 50 mil/saatı keçə bilər.
Çərşənbə axşamı küləyin gücü gözləniləndən daha az olduğuna görə xəbərdarlıqlar ləğv edilib.
Aşağı ərazilərdə sürətini artırması gözlənilən külək yeni və ya nəzarətsiz yanğınların sürətlə böyüməsinə səbəb ola bilər.
Günel Məlikzadə
