Yəməndəki husi qiyamçıları ABŞ-ın Qırmızı dənizdəki “Harri Trumen” aviadaşıyıcısına raket hücumu edib.
Axar.az xəbər verir ki, bu barədə husilərin Teleqram kanalında məlumat yayılıb.
“Yəmən silahlı qüvvələrinin raket qoşunları bir neçə qanadlı raket və pilotsuz uçuş aparatlarından istifadə etməklə Qırmızı dənizin şimalında ABŞ-ın “Harri Trumen” aviadaşıyıcısına və bir sıra hərbi gəmilərinə qarşı birgə hərbi əməliyyat keçirib”, - məlumatda qeyd olunub.
