Bu gün futbol üzrə İtaliya çempionatında (A Seriyası) 2024/2025 mövsümünün 19-cu turundan təxirə salınmış daha bir oyun keçirilib.
Arena.az xəbər verir ki, ikinci oyun gününün yeganə qarşılaşması Milanda baş tutub.
Burada “İnter” doğma meydanda “Bolonya” ilə münasibətlərinə aydınlıq gətirib. Dörd qolun qeydə alındığı oyunda komandalar hərəyə 1 xalla kifayətləniblər.
Beləliklə, xallarının sayını 44-ə çatdıran “İnter” hazırda A Seriyasının yarış cədvəlində 2-ci sıradadır. Ehtiyatda təxirə salınmış daha bir oyunu olan bu komanda lider “Napoli”dən 3 xal geri qalır. İlk üçlüyü 43 xalı olan “Atalanta” qapayır.
İtaliya, A Seriyası
19-cu tur
14 yanvar
Komo – Milan 1:2
Qollar: Diao, 60 – T.Ernandes, 71. Leao, 76.
Atalanta – Yuventus 1:1
Qollar: Reteqi, 78 – Kalulu, 54.
15 yanvar
İnter – Bolonya 2:2
Qollar: Dumfris, 19. L.Martines, 45+1 – Kastro, 15. Holm, 64.
