Bakı, 16 yanvar, AZƏRTAC
Ötən ilin yanvar-dekabr aylarında elektrik enerjisinin istehsalı 28 milyard 394,1 milyon kilovat-saat, ixracı 1 milyard 397,5 milyon kilovat-saat, idxalı 170,5 milyon kilovat-saat olub.
AZƏRTAC xəbər verir ki, bu barədə energetika naziri Pərviz Şahbazov məlumat verib.
Nazir bildirib ki, 2023-cü illə müqayisədə elektrik enerjisinin istehsalı su elektrik stansiyalarında 1 milyard 247,8 milyon kilovat-saat, günəş elektrik stansiyalarında isə 476,9 milyon kilovat-saat artıb.
“Bu dövrdə elektrik enerjisi istehsalında bərpaolunan enerji mənbələrinin payı təxminən 14 faiz olub”, - deyə P.Şahbazov qeyd edib.
