Fransa gizli şəkildə Ukraynaya mümkün qoşun yeridilməsinə hazırlıq məqsədilə hərbi təlimlər keçirib.
Publika.az xəbər verir ki, bu barədə Fransanın "İntelligence Online" nəşri məlumat yayıb.
Bildirilir ki, manevrlər ötən ilin sonlarında topoqrafiyası Kiyevin şimalındakı Dnepr döngəsinə bənzəyən ərazidə baş tutub.
Təlimdə komandolar, casus peyklər, dron pilotları və kiber qırıcılar da daxil olmaqla 3200 hərbçi iştirak edib.
Nəşr qeyd edir ki, “Persey” adlanan təlimin məqsədi Belarus ərazisindən Rusiya qoşunlarının Ukraynaya potensial sıçrayışını dəf etmək olub.
