Hindistanda Bollivudun məşhur ulduzu Saif Əli Xanın bıçaqlı hücumundan danışılır.
Turkustan.az xəbər verir ki, 54 yaşlı məşhur aktyor evinə girən təcavüzkar tərəfindən dəfələrlə bıçaqlanıb. Xan xəstəxanaya çatdırılıb və onun həyatı üçün təhlükə yoxdur. İddialara görə, şok hadisədə məşhur aktyor 6 bıçaq yarası alıb.
Hindistan mətbuatında çıxan xəbərlərə görə, hadisə gecə saatlarında baş verib. Polis hücumçunun aktyorun evinə oğurluq niyyəti ilə girdiyindən şübhələnir.
Polis rəsmisi Dixit Gedam, “Hücumçunun yanğın nərdivanından istifadə edərək evə girdiyi müəyyən olundu. Hadisənin quldurluq cəhdi olduğu görünür. Şübhəlinin ən qısa zamanda tutulması üçün səylər davam etdirilir. İlkin məlumatlara görə, hücum edən şəxs yaxınlıqdakı binanın divarını keçərək Xanın yaşadığı yaşayış binasının bağçasına soxulub və binanın arxasındakı yanğın nərdivanlarından istifadə edərək evə çatıb. Xanın evindəki köməkçi hücumçunu ilk görən şəxs olub. Köməkçi vəziyyəti görüb və qışqıraraq məşhur aktyora xəbərdarlıq edib. Saif Ali Khan ailəsini qorumaq üçün hücumçu ilə qarşılaşıb, bu zaman hücum edən şəxs mübahisə zamanı aktyora çoxsaylı bıçaq zərbələri endirib"-deyə, bildirib.
Aytən Yaşar/ Turkustan.az
