Yanvarın 16-da Dohada İsrail və Fələstinin Həmas qruplaşması arasında girovların azad edilməsi və Qəzza zolağında atəşkəs əldə edilməsinə saziş imzalandı.
Hüerbiand.az İsrail Mənbələrinə istinadən xəbər verir ki, razılaşmanın bəzi detalları bəlli olub.
Məlumata görə, imzalanan sazişin birinci mərhələsi 2 min fələstinli məhbusun əvəzində 33 israilli əsir azad edilməsini nəzərdə tutur. Bu barədə “Jerusalem Post” qəzeti məlumat yayıb.
İsrail həbsxanalarında saxlanılan 2000 məhkum terrorçunu, o cümlədən 7 oktyabr 2023-cü il hadisələrindən sonra saxlanılan 1000-ə yaxın insanı azad edəcək. Mübadilə üçün təsdiqlənmiş fələstinli məhbuslardan 250-yə yaxını ömürlük həbs cəzasını çəkir. Qəzet qeyd edir ki, sövdələşmə çərçivəsində 2023-cü il oktyabrın 7-də İsrailə hücumda birbaşa iştirak edən terrorçuların heç biri azad edilməyəcək.
