“Avropada bütün oyunlar çətindir. Rəqibimiz yaxşı və təcrübəli komandadır.
Msport.az xəbər verir ki, bu fikirləri Rumıniyanın FCSB klubunun baş məşqçisi Elias Xaralambus “Qarabağ”a qarşı keçirəcəkləri Avropa Liqası matçından əvvəl deyib.
44 yaşlı kiprli mütəxəssis özlərinin də yaxşı kolləktivə malik olduqlarını vurğulayıb:
“Biz sübut etmişik ki, uğur qazana bilərik. Qarşıdakı matçda xallar toplamalıyıq ki, ən yaxşı 8 komanda sırasına düşə bilək”.
Qeyd edək ki, UEFA Avropa Liqasının Liqa mərhələsinin VII turunun “Qarabağ” – FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək. Turnir cədvəlində Azərbaycan çempionu 3 xalla 33-cü, FCSB 11 xalla 10-cu sıradadır.
