Rusiya prezidenti Vladimir Putin iranlı həmkarı Məsud Pezeşkiana rus samovarı və Rusiyada qışı əks etdirən rəsm hədiyyə edib.
News24.az teleqraf.com-a istinadla xəbər verir ki, bu barədə jurnalist Pavel Zarubin öz teleqram kanalında danışıb.
İran prezidenti təbəssümlə “samovar” sözünün İslam Respublikasında yaxşı tanındığını qeyd edib və Rusiya dövlət başçısına təşəkkür edib.
Qeyd edək ki, yanvarın 17-də Kremldə Rusiya və İran prezidentləri Vladimir Putin və Məsud Pezeşkian iki ölkə arasında strateji tərəfdaşlıq haqqında saziş imzalayıblar.
Saziş müdafiə, ter*rorla mübarizə, enerji, maliyyə, nəqliyyat, sənaye, kənd təsərrüfatı, mədəniyyət, elm və texnologiya da daxil olmaqla geniş sahələri əhatə edir.
