ABŞ prezidenti seçilmiş Donald Tramp bu gün inauqurasiya nitqində çıxış edəcəyi əsas mövzuları “birlik”, “güc” və “ədalət” kimi açıqlayıb və Amerika xalqını və onun dəyərlərini müdafiə edəcəyinə söz verib.
NBC-yə telefonla verdiyi müsahibədə, andiçmə nitqinin əsas mövzusunun üç məsələ olacağına eyham vuraraq, “Biz dörd illik cəhənnəmdən sonra insanlara ədalətli davranmalıyıq”, – deyib.
Prezident Co Bayden üç keçmiş prezident (Barak Obama, Corc Buş və Bill Klinton) və vitse-prezident Kamala Harrislə birlikdə mərasimdə iştirak edəcəyini təsdiqləyib. Mərasimdə bir çox dünya liderləri də iştirak edəcək.
