“Mançester Siti”nin baş məşqçisi Xosep Qvardiola gələcəkdə “şəhərlilər”i tərk edə biləcəyinə münasibətini açıqlayıb.
Arena.az “Sky Sports” dərgisinə istinadən, ispan mütəxəssisin bu barədə fikrini təqdim edir:
“Mən indi getməyə hazırlaşdığımı desəm, özümü bağışlamazdım. Özümü heç bağışlamazdım. Əlbəttə, bu, o demək deyil ki, hər şey adi qaydasına dönəcək. Bunu sınamadığıma heç olmasa bircə saniyə belə, peşman olmayacağam. Bircə saniyə belə. Mən çalışıram və bunu etməyə çalışıram.
Düşünürəm ki, əksər oyunçular bunu (böhrandan çıxmağı – redaktorun qeydi) istəyirlər. Əksər oyunçular buna cəhd etmək istəyirlər, çünki mən onların necə qaçdıqlarını və necə əziyyət çəkdiklərini bilirəm. Amma əzab-əziyyət həyatın bir parçasıdır, bu, heç vaxt mükəmməl olmur. Bu, həyatın özüdür”, deyə Qvardiola vurğulayıb.
22 oyundan 38 xalla “Mançester Siti” İngiltərə Premyer Liqasının yarış cədvəlinin 4-cü pilləsində qərarlaşıb.
