Kanadanın keçmiş maliyyə naziri, kökləri ukraynalı olan Kristia Friland Liberal Partiyasının lideri və ölkənin növbəti baş naziri vəzifəsinə namizədliyini irəli sürüb...
Poliqon The Guardian nəşrinə istinadən xəbər verir ki, Torontoda seçki kampaniyasına başlayarkən o, ABŞ prezidenti Donald Trampın Kanada üçün "ekzistensial risk" yaratdığını və ölkəsini müdafiə etdiyi üçün bunu bəyənmədiyini bildirib.
Eyni zamanda, siyasətçi əmin edir ki, o, Ağ Evlə digərlərindən daha yaxşı danışıqlar apara biləcək:
"Tramp üçün bir mesajım var: Biz sizin qonşunuz və ən mühüm ticarət tərəfdaşınızıq. Ancaq müharibə qapımıza gəlsə, unutmayın ki, sizin ölkənizi sevdiyiniz qədər biz də öz ölkəmizi sevirik..... Kanada təslim olmayacaq. Mən baş nazir olsam, Kanada heç vaxt geri çəkilməyəcək".
Qeyd edək ki, yanvarın 6-da Kanadanın baş naziri Castin Trüdo Liberal Partiyasının lideri vəzifəsindən istefa verdiyini açıqlayıb. Yeni lider seçildikdən sonra o, baş nazir vəzifəsini tərk edəcək.
Jurnalistlər qeyd edirlər ki, Trüdo ilə təxminən on il işləmiş Kristia Friland Amerika tariflərinin tətbiqinə qarşı çıxmaq üsulları ilə bağlı onunla münaqişədən sonra maliyyə naziri vəzifəsini tərk edib.
Poliqon.info
