Rusiya Ermənistanla Azərbaycan arasında münasibətlərin normallaşmasına bütün istiqamətlərdə kömək etməyə hazırdır. Manset.az TASS-a istinadən xəbər verir ki, bunu Rusiyanın xarici işlər naziri Sergey Lavrov erməni həmkarı Ararat Mirzoyanla danışıqlarda deyib. Yanvarın 21-də Lavrov və Mirzoyan Moskvada danışıqlara başlayıb. Görüş zamanı diplomatlar Rusiya-Ermənistan münasibətlərinə dair fikir mübadiləsi aparacaq, Aİİ və digər birliklər çərçivəsində əməkdaşlığı müzakirə edəcəklər. Rusiya XİN-in məlumatına görə, ölkə liderləri Cənubi Qafqazdakı işlərin vəziyyətinə xüsusi diqqət yetirəcək, Ermənistanla Azərbaycan arasında normallaşmaya nail olunmasını vurğulayacaqlar.
