Ukrayna xüsusi təyinatlılarının əsgərlərindən ibarət batalyon Şimali Koreya qoşunlarını və əsgərlərini diri-diri ələ keçirmək üçün təyinat alıb və onlara yeganə vəzifə kimi döyüş meydanını araşdırmaq tapşırılıb.
“Cebheinfo.az” xəbər verir ki, ukraynalı zabitlər Amerikanın “Wall Street Journal” qəzetinə Şimali Koreya əsgərlərinin tapılması anını təsvir ediblər.
Ukrayna xüsusi təyinatlılarının əsgərlərindən ibarət batalyon Rusiyanın Kursk vilayətində meşədə tək yatan yaralı Şimali Koreya əsgərini tapıb. Ukraynalıları görən gənc əsgər qumbara yelləyib.
O vaxta qədər evlərindən minlərlə kilometr uzaqda Rusiya uğrunda döyüşən çoxlu sayda Şimali Koreya əsgəri öldürülüb və ya yaralanıb, lakin heç biri əsir götürülməyib.
Onların bəziləri yaralandıqdan sonra əsir düşməmək üçün öz yoldaşları tərəfindən öldürülüb.
Digərləri liderləri Kim Çen Inın adını qışqıraraq təslim olmaqdansa, özlərini öldürməyə üstünlük veriblər.
Ukrayna lideri Volodimir Zelenski Rusiya əsirliyində olan ukraynalılarla mübadilə müqabilində onları Kim Çen Ina təhvil verməyə hazır olduğunu bildirib, lakin hələlik onlar Ukraynanın nəzarətindədirlər.
Qeyd edək ki, Şimali Koreya qoşunları ilk dəfə dekabrın ortalarında döyüş meydanına çıxıb.
Bu qoşunlar avqust ayından qismən Ukraynanın işğalı altında olan Rusiyanın Kursk vilayətinə yerləşdirilib.
Ukrayna rəsmiləri regionda ən azı 12 min Şimali Koreya əsgərinin yerləşdirildiyini təxmin edir.
