İran çempionatında 16-cı turun oyunları keçirilib.
Fanat.Az xəbər verir ki, Təbriz klubu “Traktor” da növbəti matçına çıxıb.
Cənubi Azərbaycan təmsilçisi tur çərçivəsində “Mes Rafsancan” komandası ilə qarşılaşıb.
Xorvatiyalı Draqan Skoçiçin çalışdırdığı kollektiv doğma meydanda rəqibinə divan tutub – 5:1. Təbrizlilərə qələbə gətirən qolları Əmirhüseyn Hüseynzadə (34), Tomislav Ştrkal (39), Mahdi Haşemnecad (46), Səccad Aşuri (83) və Danial Esmaeilifar (85) vurublar.
“Traktor” hazırda 16 oyuna topladığı 35 xalla zirvədə qərarlaşıb. “Sepahan” da eyni xal toplamasına baxmayaraq, əlavə göstəricilərə görə ikinci yerdə qərarlaşıb. "Qurdlar" çempionatdakı növbəti matçını yanvarın 26-da səfərdə “Persepolis”ə qarşı keçirəcək.
