Bir müddət öncə anası vəfat etdiyi üçün "Qarabağ"ın qış hazırlığına qatıla bilməyən, Misli Premyer Liqasının 19-cu turunda Tofiq Bəhramov adına Respublika stadionunda "Şamaxı"ya qarşı görüşdə (3:2) oynamayan Yassin Bezia ilə bağlı son vəziyyətə aydınlıq gəlib.
Bu barədə Fanat.Az-a ağdamlıların sözçüsü Anar Hacıyev çəlumat verib:
"Benzia yanvarın 19-dan komandanın düşərgəsindədir. Kollektiv məşqlərdə iştirak edir. Sabah Avropa Liqasında Rumıniyanın FCSB komandasına ilə matçda meydana çıxıb-çıxmayacağına baş məşqçi qərar verəcək".
Xatırladaq ki, "Qarabağ" - FCSB qarşılaşması yanvarın 23-də, saat 21:45-də Tofiq Bəhramov adına Respublika stadionunda baş tutacaq. AL-in turnir cədvəlində "Qarabağ" 3 xalla 33-cü, FCSB 11 xalla 10-cu yerdədir.
Nihat
