İngiltərənin "Mançester Yunayted" klubu qış transfer dönəmində hücumçu transfer etməyi planlaşdırır.
"Report" "Daily Mail"ə istinadən xəbər verir ki, "qırmızı şeytanlar"ın qısa siyahısında dörd namizəd - Brayan Mbemo, Mateus Kunya, Liam Delap və Conatan Devidin adı yer alıb.
Hücumçuların hamısı bir müddətdir klubun skautlarının diqqət mərkəzindədir.
Bununla yanaşı, "transfer pəncərəsi"nin sonuna qədər UEFA-nın tətbiq etdiyi "maliyyə feyr-pleyi" qaydalarını pozmamaq üçün klubun Alexandro Qarnaço, Kobbi Meynu və ya Markus Reşfordu satacağı gözlənilir.
Qeyd edək ki, "Mançester Yunayted" hazırda İngiltərə Premyer Liqasının turnir cədvəlində 26 xalla 13-cü pillədə qərarlaşıb.
