"Days Of Our Lives" serialında Dario Hernandes obrazı ilə tanınan uğurlu aktyor Fransisko San Martin dünyasını dəyişib.
Sonxeber.az xarici mediaya istinadən xəbər verir ki, 39 yaşında dünyasını dəyişən məşhur aktyorun cansız cəsədi Los-Ancelesdəki evində tapılıb. Səlahiyyətlilər aktyorun intihar etməsi ehtimalını nəzərdən keçirir və hadisə ilə bağlı araşdırmalar davam edir.
Sevdiklərini yas içində qoyan aktyorun "Days Of Our Lives" serialında bacısı rolunu canlandıran Camila Banus sosial media hesabında "Nə deyim... Rahat ol dostum.. Mən səni çox sevirəm, kaş ki, bunu sənə daha çox deyə biləydim" - yazıb.
San Martin ilk dəfə 2011-ci ildə "Days Of Our Lives" serialında oğru rolunu oynadı. Aktyor 2017-ci ildə "The Bold And The Beautiful" filmində də çəkilib.
