Madrid “Atletiko”sunun baş məşqçisi Dieqo Simeone Çempionlar Liqasının Liqa mərhələsinin 7-ci turunda “Bayer”lə ev oyununu şərh edib.
Arena.az məlumat verir ki, “döşəkçilər” azlıqda ikən “əczaçılar”dan qol “yeyiblər”, sonra hesabı bərəbərləşdiriblər, ardınca isə 76-cı dəqiqədən on nəfərlə qalmış rəqibə 90-cı dəqiqədə qol vurmaqla, qələbə qazanıblar – 2:1.
Dieqo Simeone matçdan sonra jurnalistlərə açıqlamasında bunları söyləyib:
“İkinci hissədə komandamı, oyunu necə oxuduğumuzu, təkbətək mübarizələrdə qalib gəldiyimizi görmək xoş idi. Onlar çox cəsarətli və ağıllı oynadılar. Amma biz döyüşməyə, inanmağa, fürsətlərimizi axtarmağa, tər töküb nəticə qazanmağa öyrəşmişik. Biz öz xislətimizi dəyişməmişik. Çalışdıq, burnumuzu təkəbbürlə çəkmədik və zəka nümayiş etdirdik”, – UEFA-nın mətbuat xidməti argentinalı mütəxəssisdən sitat gətirir.
7 oyunda 15 xal toplamış “Atletiko” UEFA Çempionlar Liqasının Liqa mərhələsinin yarış cədvəlinin 3-cü pilləsində qərarlaşıb. “Bayer” isə 13 xalla 6-cı yerdədir.
