1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Qalatasaray" Barış Alper Yılmazı transfer etmək istəyən klubların minimum 40 milyon avro ödəməli olacaqlarını bildirib.
Oxu.Az "NtvSpor"a istinadən xəbər verir ki, İngiltərə Premyer Liqasında çıxış edən "Vest Hem" klubu hücumçu üçün 25+5 milyon avro təklif etsə də, "Qalatasaray" rəsmiləri keçidə icazə verməyiblər.
Klub rəsmiləri Barışın transferi üçün minimum 40 milyon avro tələb ediblər.
Qeyd edək ki, Barış Alper Yılmaz bu mövsüm "Qalatasaray" forması ilə çıxdığı 29 oyunda 11 qol vurub, iki məhsuldar ötürmə edib. Futbolçunun "Transfermarkt" portalındakı dəyəri 20 milyon avro qeyd olunub.
