Millət vəkili Anar Məmmədov Abşeron rayonu Xırdalan Mədəniyyət Evində Ağdərə rayonundan olan sakinləri qəbul edib.
“Qafqazinfo” xəbər verir ki, fərdi qaydada baş tutan qəbulda səsləndirilən müraciətlər, təkliflər aidiyyəti üzrə qeydiyyata alınıb, millət vəkilinin səlahiyyətləri çərçivəsində həll edilməsi mümkün olan problemlər yerindəcə öz həllini tapıb.
Qəbula gələnlər onların müraciətlərinin dinlənilməsindən razılıqlarını ifadə edərək ölkədə, həyata keçirilən müxtəlif sosial layihələrə görə Prezident İlham Əliyevə və Birinci vitse-prezident Mehriban Əliyevaya sonsuz minnətdarlıqlarını ifadə ediblər.
