2024-cü ildə xaricdən Azərbaycana 2 milyard 426 milyon 944 min dollar dəyərində nəqliyyat vasitələri və onların hissələri idxal olunub.
Bu barədə Marja.az Dövlət Gömrük Komitəsinin aylıq statistikasına istinadən xəbər verir.
2023-cü ildə Azərbaycana 2 milyard 863 milyon 120 min dollar dəyərində nəqliyyat vasitələri və onların hissələri idxal olunmuşdu. Beləliklə, ötən il nəqliyyat vasitələri və onların hissələrinin idxalına sərf olunan valyuta 436 milyon 176 min dollar və ya 15,2% azalıb.
2024-cü ildə Azərbaycana 1 milyard 844 milyon 157 min dollar dəyərində 91 min 838 ədəd nəqliyyat vasitəsi (avtomobil) idxal olunub. 2023-cü ildə Azərbaycana 1 milyard 680 milyon 653 min dollar dəyərində 95 min 971 ədəd nəqliyyat vasitəsi idxal olunmuşdu.
