ABŞ Prezidenti Tramp Rusiya-Ukrayna müharibəsinin ən qısa müddətdə bitməli olduğunu və yaxın gələcəkdə Rusiya Prezidenti Vladimir Putinlə görüşə biləcəyini deyib.
"Cebheinfo.az" xəbər verir ki, ABŞ Prezidenti Donald Tramp Ağ Evdəki imza mərasimindən sonra gündəmdəki sualları cavablandırıb.
O, Rusiya-Ukrayna müharibəsini"gülünc" adlandırıb və ən qısa müddətdə bitməli olduğunu vurğulayıb "Putinin ən qısa müddətdə mənimlə görüşmək istədiyini eşitdim. Mən dərhal görüşəcəyəm. İkinci Dünya müharibəsindən bəri belə bir döyüş görünməyib. Bu müharibəni bitirmək yaxşı olardı".
Ukrayna Prezidenti Zelenskinin danışıqlara hazır olub- olmadığı ilə bağlı suala cavab verən Tramp "Zelenski bu müharibəni dayandıracaq bir razılaşma üçün danışıqlara hazırdır. Ukrayna və Rusiya çox əsgəri itirdi",- deyib.
Tramp Çinin Rusiyaya müəyyən təsir gücünün olduğunu bildirib. Çin Prezidenti Şi Cinpingnin müharibənin sonlandırmaq üçün bu təsirdən istifadə etməli olduğunu söyləyib.
