ABŞ Adamı Avtomobilinə Qartopu Atan Uşağı Güllələyib
Amerikanın Konnektikut ştatının Hartford şəhərində naməlum şəxs avtomobilinə qartopu atan 12 yaşlı uşağa odlu silahla atəş açıb. Bu barədə NBC News xəbər verir.
Yerli polisin məlumatına görə, 12 və 11 yaşlı uşaqlar qartopu oynayırdılar. Qar toplarından biri maşına dəydi. Bundan sonra sürücü azyaşlıların izinə düşərək məhəlləni gəzib. Daha sonra maşından uşaqlara doğru odlu silahdan atəş açılıb. Nəticədə 12 yaşlı uşaq həyatı üçün təhlükə yaratmayan xəsarətlər alıb. Digər uşağa zərər dəyməyib.
Polis əməkdaşları atışmanın baş verdiyi avtomobildə neçə nəfərin olduğuna cavab verməkdə çətinlik çəkiblər. Hazırda hüquq-mühafizə orqanlarının əməkdaşları fövqəladə hadisə yerinin yaxınlığındakı kameraların videoyazılarını öyrənirlər.
