Misli Premyer Liqasında XX tur davam edir.
Fanat.Az xəbər verir ki, dünən start görürən tur çərçivəsində bu gün daha iki görüş baş tutacaq.
Bayılda elitada qalmaq uğrunda prinsipiallıq daşıyan görüş olacaq. Autsayderlər "Səbail" və "Kəpəz" münasibətlərinə aydınlıq gətirəcəklər. Gəncəlilər qalib gəlsələr, "dənizçilər"lə xal fərqini 5-ə çatdıraraq bir qədər rahatlaşacaqlar. Əks halda, "Səbail" "Kəpəz"i udmaqla 1 xal önə keçib sonuncu pillədən xilas olacaq.
Günün ikinci oyunu Masazırda reallaşacaq. "Sabah"la "Sumqayıt"ın qarşılaşması da qonşuların dueli olacaq. Vasili Berezutskinin komandası qələbə qazana bilsə, ən yaxın izləyicisindən 10 xal aralanacaq. Vaqif Cavadovlu "Sumqayıt" uçurumun böyüməməsi üçün meydandan xalla ayrılmalıdır. "Gənclik şəhəri" təmsilçisi səfərdən 3 xalla dönsə, "Sabah"la fərqi 4-ə endirəcək.
Qeyd edək ki, tura sabah 2 oyunla (“Araz-Naxçıvan” – “Neftçi” və “Qarabağ” – “Turan Tovuz”) yekun vurulacaq.
Misli Premyer Liqası
XX tur
25 yanvar
“Səbail” – “Kəpəz” 0:0 (1-ci hissə)
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev
VAR: Tural Qurbanov, Elşad Abdullayev
Hakim-inspektor: Rəhim Həsənov
AFFA nümayəndəsi: Emin Cəfərov
Bayıl. “ASCO Arena”
“Səbail”: 12. Əlirza Müştəbazadə, 96. İlkin Muradov, 77. Fərid Nəbiyev, 18. Süleyman Əhmədov, 20. Mert Çelik, 8. Qorka Laruçça, 3. Dmitro Litvin (k), 99. İnnosent Nşuti, 4. Marko Nikoliç, 7. Madi Queta, 14. Suleyman Alluş.
Ehtiyat oyunçular: 1. Hüseynəli Quliyev, 25. Nicat Məmmədzadə, 22. Mirabdulla Abbasov, 74. Yusif Nəbiyev, 11. Rüfət Abdullazadə, 83. Nihad Quliyev, 19. Samir Abdullayev, 16. Emin Rüstəmov, 97. Oruc Məmmədov, 88. Hacıəli Şirəliyev, 10. David Qomis, 5. Gitay Sofir.
Baş məşqçi: Cavid Hüseynov.
“Kəpəz”: 1. Rojerio Santos, 7. Ehtiram Şahverdiyev, 12. Turan Manafov, 70. Nicat Süleymanov, 5. Rauf Hüseynli, 26. Valdemar Almeyda, 9. Luis Paçu, 29. Dioqo Verdaska, 78. Yeqor Xvalko (k), 28. Rati Ardazişvili, 3. Mahamadu Ba.
Ehtiyat oyunçular: 22. Məmməd Hüseynov, 2. İlkin Qırtımov, 99. Əli Səmədov, 8. Elmir Tağıyev, 6. Nemət Musayev, 21. Camal Cəfərov, 17. Ümid Səmədov, 15. Cavad Kərimov, 10. Karim Lkouça, 88. Şevroni Mabatşoev.
Baş məşqçi: Azər Bağırov.
18:30. “Sabah” – “Sumqayıt”
Hakimlər: Elçin Məsiyev, Pərvin Talıbov, Rəhman İmami, Rəşad Əhmədov
VAR: Nicat İsmayıllı, Asiman Əzizli
Hakim-inspektor: Orxan Məmmədov
AFFA nümayəndəsi: Rüfət Əmirov
Masazır. “Bank Respublika Arena”
