Paltaryuyan maşının ömrünü uzatmaq və daha səmərəli işləməsini təmin etmək üçün bəzi sadə üsullardan istifadə etmək mümkündür.
E-saglam.az xarici mediaya istinadən xəbər verir ki, maşına buz əlavə etmək, həm maşının, həm də paltarların təmizliyinə müsbət təsir göstərir. Buz əhəng yığılmasını azaldaraq maşının ömrünü uzadır və paltarların daha yaxşı təmizlənməsinə kömək edir. Bundan əlavə, buz pis qoxuların qarşısını alaraq bakteriya və göbələklərin yaranmasının qarşısını alır.
Buzun maşına əlavə edilməsi suyun temperaturunu tənzimləyir və yuyucu vasitənin daha effektiv işləməsini təmin edir. Bu üsul paltarların rəngini və toxumasını qoruyaraq onların daha uzun müddət yeni kimi qalmasına kömək edir. Soyuq suyun istifadəsi zərif parçaların zədələnməsinin qarşısını alır və paltarların yumşaqlığını artırır.
Bundan başqa, buz maşının içində yığılan yuyucu qalıqlarını həll edərək onu daha təmiz saxlayır və məhsuldarlığını artırır. Soyuq suyun istifadəsi həm də su və enerji sərfini azaldır, bu da ekoloji baxımdan faydalıdır. Bu kiçik dəyişikliklər sayəsində həm paltarların, həm də paltaryuyan maşının ömrünü uzatmaq mümkündür.
Tərcümə: Könül Oruc
