Azərbaycan Basketbol Liqasında XII tura yekun vurulub.
Fanat.Az xəbər verir ki, turun son oyununda "Şəki" "Ordu"nu qəbul edib.
Şəki Olimpiya İdman Kompleksindəki qarşılaşma meydan sahiblərinin qələbəsi ilə yekunlaşıb - 87:74.
Bu nəticədən sonra xallarının sayını 22-yə çatdıran "Şəki" B qrupunda liderdir. 20 xala malik olan qonaqlar üçüncü pillədə qərarlaşıb.
Qeyd edək ki, turun əvvəlki matçlarında "Abşeron" "Sərhədçi"ni (86:79), "Sabah" "Neftçi"ni (75:65), "Sumqayıt" "Lənkəran"ı (93:90), "Gəncə" "Quba"nı (96:78), NTD isə "Naxçıvan"ı (90:70) məğlub edib.
