Müharibəyə son qoymaq üçün danışıqlar mayın 9-na təsadüf edə bilər, çünki Rusiya prezidenti Vladimir Putin bundan öz “qələbəsi” üçün təbliğat kimi istifadə edə bilər.
Hafta.az “TSN”-ə istinadla xəbər verir ki, bu fikri politoloq Vladimir Fesenko TSN.ua-ya şərhində bildirib.
“Mən əmin deyiləm. Amma potensial imkan mövcuddur. Danışıqlarda iştirak edə biləcək hər üç tərəfin (Ukrayna, Rusiya və ABŞ) hər ikisi vaxtın müəyyən edilməsində maraqlıdır. Rusiyanın da razılığa gəlmək üçün müəyyən stimulu var. Söhbət 9 Maydan gedir. Putinin bunu (atəşkəs razılaşmasını) öz qələbəsi kimi təqdim edib satmağa həvəsi var. Ona görə də müəyyən şanslar var”, - deyə ekspert bildirib.
Politoloq 100 gün ərzində sülh razılaşmalarının əldə olunmasının mümkünlüyünə şübhə ilə yanaşır, lakin belə bir perspektivin olduğunu ehtimal edir.
